DDUJE PARAVISE
E.A. Mario, Parente (1928)
Presentata nel 1928 da Luisella Viviani è una delle canzoni più graziose e originali mai dedicate alla nostalgia per Napoli. L'autore immagina che un giorno due vecchi posteggiatori partenopei decidono di recarsi in paradiso per presentare il loro repertorio a San Pietro e agli altri santi. Basta poi che San Pietro apra il balcone che s'affaccia su Napoli per rendersi contro che sotto vi è un altro paradiso dal quale è difficile staccarsi. Tanto è vero che i due vecchietti sentono la nostalgia e decidono di tornare là dove sono Posillipo, Sorrento e Marechiaro, dove è il loro paradiso.
Duje viecchie prufessure 'e cuncertino,
nu juorno, nun avevano che fà.
Pigliàjeno 'a chitarra e 'o mandulino
e, 'nParaviso, jèttero a sunà:
- Ttuppe-ttè... - "San Piè', arapite!...
ve vulimmo divertì..."
"Site 'e Napule?! Trasite!
e facitece sentì..."
"V'avimm''a fà sentì doje, tre canzone,
ca tutt''o Paraviso ha da cantà:
Suspire 'e vase...Museca 'e passione...
Rrobba ca sulo a Napule se fa...
E 'a sera, 'nParaviso, se sunaje
e tutt''e Sante jèttero a sentì...
'O repertorio nun ferneva maje:
"Carmela, 'o Sole mio, Maria Marì..."
"Ah, San Piè, chesti ccanzone,
sulo Napule 'e ppò fà...
arapite stu barcone:
'A sentite 'sta città?...
E, sott''o sole e 'a luna, vuje sentite
sti vvoce, ca sò' voce 'e giuventù...
Si po' scennite llà, nun 'o ccredite?!
Vuje, 'nParaviso, nun turnate cchiù!..."
Ma, doppo poco, da 'a malincunìa
'e viecchie se sentettero 'e piglià:
Suffrìvano nu poco 'e nustalgìa
e, a Napule, vulèttero turnà:
"Mo, San Piè, si permettite,
nuje v'avimm''a salutà..."
"Site pazze! Che dicite?
Nun vulite restà ccù?!"
"Nuje simmo 'e nu paese bello e caro
ca tutto tène e nun se fa lassà:
Pusìlleco, Surriento, Marechiaro...
'O Paraviso nuosto è chillu llà!"