GUAPPARIA
Falvo, Bovio (1914)
Scritta da Libero Bovio e musicata da Rodolfo Falvo nel 1914. Solitamente le serenate sono un inno all'amore, talvolta non corrisposto ma pur sempre un inno. In questo caso l'autore ha scritto una serenata, piena di rabbia e malinconia, che un ex capo guappo dedica alla sua fidanzata "Margarita"che lo ha lasciato.
Scetàteve, guagliune 'e malavita...
ca è 'ntussecosa assaje 'sta serenata:
Io sòngo 'o 'nnammurato 'e Margarita
Ch'è 'a femmena cchiù bella d''a 'Nfrascata!
Ll'aggio purtato 'o capo cuncertino,
p''o sfizio 'e mme fà sèntere 'e cantà...
Mm'aggio bevuto nu bicchiere 'e vino
pecchè, stanotte, 'a voglio 'ntussecà...
Scetèteve guagliune 'e malavita!...
E' accumparuta 'a luna a ll'intrasatto,
pe' lle dà 'o sfizio 'e mme vedè distrutto...
Pe' chello che 'sta fèmmena mm'ha fatto,
vurrìa ch''a luna se vestesse 'e lutto!...
Quanno se ne venette à parta mia,
ero 'o cchiù guappo 'e vascio à Sanità...
Mo, ch'aggio perzo tutt''a guapparìa,
cacciatemmenne 'a dint''a suggità!...
Scetàteve guagliune 'e malavita!...
Sunate, giuvinò, vuttàte 'e mmane,
nun v'abbelite, ca stò' buono 'e voce!
I' mme fido 'e cantà fino a dimane...
e metto 'ncroce a chi...mm'ha miso 'ncroce...
Pecchè nun va cchiù a tiempo 'o mandulino?
Pecchè 'a chitarra nun se fa sentì?
Ma comme? chiagne tutt''o cuncertino,
addò' ch'avess''a chiagnere sul'i'...
Chiàgnono sti guagliune 'e malavita!..