'NDRINGHETE NDRA'
Cinquegrana - De Gregorio (1895)
Carmenella è na bella figliola!...
vènne ll'acqua gelata, à stagione...
Gelata, à stagione...
Gelata, à stagione...
Comme sprièmme stu bellu limone,
tu mme sprièmme stu core, Carmè'...
Stu core Carmè'...
Stu core Carmè'...
Tutt''a vònno a 'sta bella acquajola,
ma nisciuno s''a piglia, pecchè?...
Tutt''a vònno a 'sta bella acquajola,
ma nisciuno s''a piglia, pecchè?...
E pecchè?...Pecchè...ndrìnghete ndrà,
'mmiez'ò mare nu scoglio nce sta...
tutte vènono a bevere ccà
pecchè...ndrìnghete, ndrànghete, ndrà!
II
Dint''e ffeste, nu giovane 'e fore,
ll'ha veduta e s'è fatto tantillo...
S'è fatto tantillo...
S'è fatto tantillo...
S'è scurdato 'e mammèlla e tatillo
e a 'o paese nun vò' cchiù turnà...
Nun vò' cchiù turnà...
Nun vò' cchiù turnà...
Carmenè' ve vulesse spusare!
Giuvinò', nun è cosa...pecchè...
Carmenè' ve vulesse spusare!
Giuvinò', nun è cosa...pecchè...
E pecchè?...Pecchè...ndrìnghete ndrà,
.............................................................
III
E' passato nu bellu surdato...
s'è fermato vicino a Carmela...
Vicino a Carmela...
Vicino a Carmela...
Sta manella 'int'a ll'acqua se gela,
si mm''a stienne t''a 'nfoco Carmè'...
T''a 'nfoco Carmè'...
T''a 'nfoco Carmè'...
Mo fernesco sta ferma e te sposo...
Capurà' nun è cosa...pecchè...
Mo fernesco sta ferma e te sposo...
Capurà' nun è cosa...pecchè...
E pecchè?...Pecchè ndrìnghete ndrà,
...........................................................
IV
Ma tenesse 'o marito 'ngalera?
Carmenella nun è mmaretata...
Nun è mmaretata...
Nun è mmaretata...
Ma tenesse 'a parola 'mpignata?
Carmenella ll'ammore nun fa...
Ll'ammore nun fa...
Ll'ammore nun fa...
Ma ched è, nun lle giova 'o marito?
Ma pecchè nun se vò' mmaretà?
Ma ched è, nun lle giova 'o marito?
Ma pecchè nun se vò' mmaretà?
E pecchè?...Pecchè ndrìnghete ndrà,