PALOMMA 'E NOTTE
Di Giacomo, Buongiovanni (1907)
"Palomma 'e notte" fu il risultato dell'ispirazione tratta da una poesia veneta di Vittoria Aganoor Pompilj. La musica fu composta da Francesco Buongiovanni che, per l'occasione, creò una geniale tessitura melodica di moderna concezione. E' da annoverare tra i grandi capolavori della poesia di Salvatore Di Giacomo. Pubblicata nel 1906 dalle edizioni Izzo, ma scritta due anni prima, Originariamente scritta in tempo di 3/4, negli anni '70 fu ripresa ed incisa in 4/4 da Peppino Di Capri, riscuotendo molte affermazioni e contribuendo al rilancio del cantante caprese. La prima volta fu interpretata da Gennaro Pasquariello.
Tiene mente 'sta palomma,
comme gira, comm'avota,
comme torna n'ata vota
sta ceròggena a tentà!
Palummè' chist'è nu lume,
nun è rosa o giesummino...
e tu, a forza, ccà vicino
te vuò' mettere a vulà!...
Vattènn''a lloco!
Vattènne, pazzarella!
va', palummella e torna,
e torna a st'aria
accussì fresca e bella!...
'O bbi' ca i' pure
mm'abbaglio chianu chiano,
e che mm'abbrucio 'a mano
pe' te ne vulè caccià?...
II
Carulì', pe' nu capriccio,
tu vuò' fà scuntento a n'ato...
e po' quanno ll'hè lassato,
tu, addu n'ato vuò' vulà...
Troppi core staje strignenno
cu sti mmane piccerelle;
ma fernisce ca sti scelle
pure tu te può' abbrucià!
Vattènn''a lloco!
...........................
III
Torna, va', palomma 'e notte,
dint'a ll'ombra addò' si' nata...
torna a st'aria 'mbarzamata
ca te sape cunzulà...
Dint''o scuro e pe' me sulo
'sta cannela arde e se struje...
ma ch'ardesse a tutt'e duje,
nun 'o ppòzzo suppurtà!
Vattènn''a lloco!
...........................