QUANNO TRAMONTA 'O SOLE
Russo, Gambardella (1911)
Canzone del 1911 di Ferdinando Russo e Salvatore Gambardella E' un inno al tramonto del sole melodico sentimentale ed appassionato. Da questa canzone, molte del panorama canoro partenopeo, è stato tratto un film con Giacomo Rondinella, Maria Fiore e Aldo Giuffrè.
Viene addu me! Cuntèntame stu core
che, 'a tantu tiempo, penza, aspetta e spera...
Lèvame 'a pietto 'sta fattura nera,
pecchè te chiammo cu nu vero ammore!
Te veco, cu na rosa
'int''e capille,
vicino a me...
Vicino a me...
Mme pare 'e darte vase a mille a mille,
sempe sunnanno 'e te!
Sempe sunnanno 'e te...
Sièntelo, oje bella, 'o suono 'e sti pparole
Viene addu me, quanno tramonta 'o sole!
Quanno tramonta 'o sole, e tuttecosa,
jènne pe' s'addurmì dint''a nuttata,
piglia 'o culore 'e na viola nfosa...
tanno te penzo sora e 'nnammurata!
Tanno te sento mia
tutta felice,
senza parlà...
Senza parlà!
Cu ll'uocchie dint'a ll'uocchie e po' mme dice:
"Quanta felicità...
Quanta felicità!..."
Sièntelo, oje bella, 'o suono 'e sti pparole!
Fatte vasà, quanno tramonta 'o sole!