'A SERENATA 'E PULECENELLA
Bovio - Cannio (1911)
Scritta da Libero Bovio e pubblicata dalla casa editrice Polyphon, nel 1911, la canzone evidenzia i sentimenti di un guappo innamorato.
I
E stà' aspettanno cu stu mandulino
ll'ora che, 'a cielo, se ne trase 'a luna...
mme sè' nascosto dint'a nu ciardino,
pe' nun 'o ffà assapè
ca sò semp'io ca cerco scusa a te.
Te voglio tantu bene!
Te voglio tantu bene!
T''o ddico zittu, zittu,
zittu, zitto...
ca, si allucco, 'a gente
ca nun sape niente,
pè sentì:
"Te voglio bene!"
II
Mme metto scuorno 'e fà sapè a ll'amice
ca "tinco tinco" torno e faccio pace.
Si 'appura 'a gente, Napule che dice?
Ca mm''e vvoglio fà fà,
sott'a chist'uocchie, cierti 'nfamità?
Te voglio tantu bene!
...................................
III
Na vota ero 'o cchiù guappo 'e ll'Arenella:
tenevo 'nnammurate a mille a mille...
e mo mme faje chiammà "Pulicenella"...
Ma tu ce pienze o no,
ch'èvo nu guappo - guappo overo - e mo?
Te voglio tantu bene!
...................................