I' TE VURRIA VASA'
Russo, Di Capua (1900)
E' l'alba. L'aria fresca del mattino, profumata di fiori muove un ricciolo sulla fronte di lei, il cui sonno egli non osa interrompere, neanche con un bacio. Vorrebbe addormentarsi accanto a lei, ascoltando il respiro. Questa delicata melodia e i versi così teneri e appassionati anche se proposti da artisti diversi non perderanno mai nulla della loro magia.
Ah! Che bell'aria fresca...
Ch'addore 'e malvarosa...
E tu durmenno staje,
'ncopp'a sti ffronne 'e rosa!
'O sole, a poco a poco,
pe' stu ciardino sponta...
'o viento passa e vasa
stu ricciulillo 'nfronte!
I' te vurrìa vasà...
I' te vurrìa vasà...
ma 'o core nun mm''o ddice
'e te scetà...
'e te scetà!...
I' mme vurrìa addurmì...
I' mme vurrìa addurmì...
vicino ò sciato tujo,
n'ora pur'i'...
n'ora pur'i'!...
Tu duorme oje Rosa mia...
e duorme a suonno chino,
mentr'io guardo, 'ncantato,
stu musso curallino...
E chesti ccarne fresche,
e chesti ttrezze nere,
mme mettono, 'int''o core,
mille male penziere!
I' te vurrìa vasà...
............................
Sento stu core tujo
ca sbatte comm'a ll'onne!
Durmenno, angelo mio,
chisà tu a chi te suonne...
'A gelusia turmenta
stu core mio malato:
Te suonne a me?...Dimmèllo!
O pure suonne a n'ato?
I' te vurrìa vasà...