TU CA NUN CHIAGNE
Bovio, De Curtis (1919)
Nel 1915, composta da Libero Bovio e da Ernesto De Curtis, fu incisa nel 1919 da Enrico Caruso. Nel 1975 fu riproposta in una versione personalizzata, dal gruppo vocale e strumentale "Il Giardino dei Semplici". "Tu ca nun chiagne" restò per 23 settimane nella classifica dei dischi più venduti.
Comm'è bella 'a muntagna stanotte...
bella accussì, nun ll'aggio vista maje!
N'ànema pare, rassignata e stanca,
sott''a cuperta 'e chesta luna janca...
Tu ca nun chiagne e chiàgnere mme faje,
tu, stanotte, addò' staje?
Voglio a te!
Voglio a te!
Chist'uocchie te vonno,
n'ata vota, vedè!
II
Comm'è calma 'a muntagna stanotte...
cchiù calma 'e mo, nun ll'aggio vista maje!
E tutto dorme, tutto dorme o more,
e i' sulo veglio, pecchè veglia Ammore...
Tu ca nun chiagne e chiàgnere mme faje,
tu, stanotte, addò' staje?
Voglio a te!
Voglio a te!
Chist'uocchie te vonno,
n'ata vota, vedè!...