TUPPE TUPPE MARISCIA'
De Mura, Aracri, Gigante (1958)
Seconda al Festival di Napoli del 1958, questa canzone appartenente al filone umoristico, lega la sua popolarità al nome di Maria Paris, che la interpretò nello stesso anno. Nel film "è permesso maresciallo?" ad essa ispirato protagonista è una Carmelina che fa strage di uomini, compreso il maresciallo cui si erano rivolte le comari furiose.
Nisciuno cchiù fatica a stu paese,
songo arze 'e tterre, 'e ppiante sò' seccate.
'a gente nun ragiona...è già nu mese...
'sta cosa nun pò ghì,
no, nun pò ghì...no...
e si nisciuno parla, mo parl'i'...
Tuppe-tuppe mariscià'...
arapite, sò' n'amico...
Mo ve conto mo ve dico
pecchè sò' venuto ccà...
Tuppe-tuppe mariscià'...
arapite mariscià'!
'A sapite a Carmilina
ca sta 'e casa 'ncopp''a scesa?
E' na mala chiappa 'e 'mpesa
vuje ll'avit''a fà arrestà!
Mo ve dico mariscià'...
mo ve conto mariscià'...
Nisciun'ommo 'e stu paese
da Carmela s'è salvato...
Ogneduno è affatturato
pe' nu vaso ch'essa dà...
Jammo, ja',
Mariscià'...
Pe' capriccio e no p'ammore,
cu nu vaso 'e fuoco ardente,
avvelena a tanta gente:
nun 'e fà cchiù ragggiunà!
E na legge nun ce sta?
Pruvvedite mariscià'...
II
'Ntuono 'e Cuncetta, Mineco, Pascale...
Vicienzo, Ciro...sò' arredutte mieze...
'O farmacista e 'a giunta comunale,
nun sanno cchiù parlà...
no, cchiù parlà...no...
che guajo pe' stu paese mariscià'!
Tuppe-tuppe mariscià...
.......................
Mariscià' vuje nun parlate?
Ma pecchè nun rispunnite?
Mariscià'...che ve sentite?
Nun 'ngarrate cchiù a parlà?!...
Pure vuje v'ìt''a curà...
Bonanotte, mariscià'!...